Nel noster dialet el vin fai cun l’uga catada nela nostra val

il ciama cain, prut prut, crudel o alter, ma poo ala

fin alè per tuc el nustranel. Chesta vid me la daia

el Pierino del Geremia che el stava de cà su al Rocul.

Luu de vin el se ne intendeva oltre al sò, quand else

sbasava per vegni in paes el nava a sagià chel del

Bartola, chel del circul, chel del Giacumò, e per ultim

in dela Irma del’Ardire. I rasul che luu el ma dai,

iù metù in dela tera umida per fac fa i radis, e poo

aiù piantaa in un tuchet de tera a du pas dala Resega.

El Pierino la ciamava la francesina, a guardac la foia

la gà un poo del selvadic, prima i pinceroo aiè verd,

poo diventa giald quasi or cun di puntit culor rugin,

e inscì da chela uga li ghè vegnì fè chestu vin culor

del’acqua rugina e de gradi poc. Quand tel bevet

te ghè de tacas, se poo ten bevet un po trop el dì dopo

te stee di or, setagiò sul’as del ces. Ogni an quan el

travasi e poo el tiri fè dala damigiana per bevel me

vegn semper la voia de dac un nom, ma in chesta

era del made. . .made in U.S.A. , made in U.R.R.S.

made in Germany, cusa vuri chel ciama chesto vin

chi... El ciamerò el nustranel made in Resega.